SONDAGE-FGFC

Resultater FGFC-Sondage - Perséinlech Valorisatioun op denger Gemeng


Als FGFC soe mir all deene Merci, déi anonym un eisem Sondage deelgeholl hunn. Zil vun eisem éischte Sondage an dëser Form war et erauszefannen, a wéiwäit d’Personal bei de Gemengen sech op senger Aarbecht perséinlech valoriséiert fillt.

Wann 51% vun de de Leit aussoen, dass bei hinnen d’Zesummenaarbecht ganz schlecht ass, weist dat, dass mir am Gemengesecteur Deels e grousse Malaise a Punkto Valorisatioun, Kommunikatioun a géigesäitegt Vertrauen hunn.

Nieft deene ronn 450 Leit, déi matgemaach hunn, hu mir doriwwer eraus anonyme Courrier an Uriff kritt, déi d’Resultat vum Sondage ënnermaueren. An eiser deeglecher Aarbecht stelle mir och fest,dass sech vill Leit bei de Gemengen net trauen, op hirer Aarbecht opzestoen an hir Meenung, aus Angscht viru perséinleche Schwieregkeeten, auszedrécken.

Mir bleiwen hei um Ball a kommen deemnächst mat konkreten Aktiounen op dëst Thema zeréck.

 

D’Resultat vun der Emfro “Fillst du dech perséinlech op denger Gemeng valoriséiert ? 

  • 446 Leit hu matgemaach
  • 51% : Katastroph, vun Zesummenaarbecht keng Spuer, nëmmen Drock an Ignoranz am Zesumme-Schaffen 
  • 27% : Ech sinn zefridden op menger Aarbecht, dat Mënschlecht kënnt halt oft ze kuerz 
  • 20% : Jo, ech fille mech gesinn vu mengen Aarbechtskolleegen*innen a Cheffen