Zesumme fir e staarke Gemengesecteur: FGFC - Lëscht 5
Dëst Joer geet et bei de Wale fir de Beruffskummer vum ëffentlechem Déngscht (CHFEP) ëm vill méi wéi just d'Besetzung vu Sëtzer – et geet ëm d'Zukunft vum Gemengesecteur. Är Stëmm ass entscheedend, well et geet net nëmmen ëm déi sektoriell Repräsentativitéit, mee och ëm de Mandat vum Gemengepersonal fir aktiv bei der Politik matzeverhandelen. Fir d'FGFC ass dat wichteg, well mir aktuell 4 vu 5 Sëtz fir de Gemengesecteur besetzen an als eenzeg Gewerkschaft déi sektoriell Repräsentativitéit fir de Gemengesecteur garantéieren. Mir hëllefen de Secteur staark a zukunftsfäeg ze gestalten, well mir wësse wéi et um Terrain geet.
De Gemengesecteur ass der FGFC hir DNA. Mir setzen op d’Kompetenz vun deenen, déi all Dag um Terrain schaffen. Mir hu bewisen, datt mir net just Wierder oder Slogan bréngen, mä konkret Léisunge fir eis Memberen an d'Gemengepersonal.
Eise Gemengesecteur befënnt sech aktuell an engem Wandel a kann sech keng Experimenter vu Gewerkschaften aus dem Privatsecteur leeschten. Eng FGFC - Gewerkschaft vum Gemengepersonal huet eng staark Ekipp vu Kandidatinnen a Kandidaten, déi net nëmmen eng kloer Meenung hunn, mee virun allem d‘Erfarung, Kompetenz an Duerchsetzungsverméigen.
Mir presentéieren eis Kandidaten op de soziale Medien, an der nächster Spezialeditioun vun eisem FGFCmag souwéi op eisem Walsite: walen.fgfc.lu mat engem Walprogramm, deen op 5 Kärpunkten opbaut:
All Fonctionnaire an Employé communal, op am aktivem Déngscht oder Pensionéiert, kritt ab dem 6. Mäerz säi Stëmmziedel heem geschéckt. Kräizt Lëscht 5 FGFC - Gewerkschaft vum Gemengepersonal un a schéckt d'Enveloppe GRATIS zréck - Dir braucht se just an eng Bréifkëscht ze geheien. All detailléiert Informatioune zu dëser eklusiver Bréifwal, fannt Dir och an Ärem Courrier mam Walziedel.
Zesumme fir e staarke Gemengesecteur
FGFC - Gewerkschaft vum Gemengepersonal : Lëscht 5